Per il Natale

Poesie in napoletano

Natale

Comm' 'è bell’ Natale

a sera d'a vigilia:

è tutta n'allegria

pa' nascita e Gesù.

A tavola apparicchiata,

‘o presepe sta stutato

pecchè a mezzanotte

s'adda appiccià.

Mamma' dint' ‘a cucina

prepara ‘e cos’ bone

frij ‘o capitone

ca nun ce pò manca'!

“A cas' è chin è fummo”,

abbia alluccà papà,

“arapite stu balcone

ca nun se pò respirà.”

O nonno friddigliuse,

che mane dint’ ‘e mane,

annanz' a nu vrasiere,

se piglia tutt' ‘o calore.

Mammà à penzato a tutto

p’ ‘o pranzo natalizio

‘e vongole, ‘o capitone,

e vruoccole c’ ‘a gallina,

e ciociole co' mellone,

e ‘o dolce c’ ‘a vermutte,

insomma ce sta tutto.

Natale è provvidenza

ce penza ‘o Bambeniello

po’ ricco e ‘o puveriello,

niente fa manca'.

Ma ‘a festa poc’ dura

si dint’ ‘a chisti core

nun nasce ‘o desiderio

‘e chiedere ‘o Bambeniello

‘na vera pace ‘ncopp a stu munno.

‘Na pace che cancella

tant'odio e guapparia...

e dint' ‘a nu solo abbraccio

stregne tutta l'umanità.

PECCHE’ SULO A NATALE?

‘O suono ‘e na zampogna
na smania ‘e vulè bbene,
N’albero chino ‘e luce
nu desiderio ‘e pace.

Se stenne ‘a mano pure
a n’antico rivale
se sprecano l’augurie,
è ggià, pecch’è Natale.

Sarrà p’‘o clima ‘e festa
che porta ‘a ricurrenza,
‘o core cagna veste
ritrova na cuscienza.

‘Sta vita, pe’ nu juorno
diventa na livella
e ‘a ggente tutt’attuorno
chisà, pare cchiù bella!

Pure n’ommo ‘nfamone
carezza n’animale
nun fà cchiù ‘o fetendone
le pare naturale.

‘O popolo ‘e stu munno,
arravugliato ‘e male,
diventa bbuono ‘nfunno…
Pecchè sulo a Natale?

(Luciano Somma)